主页 > G嗨生活 >三代传承茶记变 私房菜 @Dining娜 >

小编推荐

三代传承茶记变 私房菜 @Dining娜


2020-06-14


(Presented by 忠记 )

Photo:Wyman

唔好以为我Dining娜只会食贵价嘢,其实只要好食嘅,一样会令我帮衬,连茶记都会係我杯茶。1间食店能够令我一去再去,除咗食物吸引之外,仲有嗰份人情味。有次1个住铜锣湾嘅朋友介绍我去佢由细食到大嘅茶餐厅忠记,装修虽然简单,但係食得出真材实料,家常菜式有种朴实味道,令人有返屋企嘅感觉,自此我就成日带朋友嚟饭叙。原来呢间茶餐厅由阿爷年代开始,三代传承做咗超过50年,早前更差点面临结业。由渣甸坊女人街铁皮屋辗转搬到依家嘅渣甸中心,就开始兼做 私房菜 ,menu仲有8款选择添。

茶记都吃到 私房菜 滋味

忠记多年来专做茶餐厅食品同小菜,估唔到新增 私房菜 都几有惊喜,既有传统古法菜,亦有创意菜式,例如古法家乡盐甑鸡、三宫皇朝三味燻蛋、和风芥末汁海胆桶蚝、北海道海胆糖芯带子等等,心思、工夫、靓料齐晒。

第3代主理人陈达龙表示,几十年来储落一班家庭客,每逢过时过节都锺意嚟帮衬,所以就决定做 私房菜 ,推出后反应都好好。 私房菜 6位起就可以预订,每位只係$332 – $480就食到11道菜,铜锣湾嚟讲好抵食。

三代传承茶记变 私房菜 @Dining娜
头抽豉油皇大虎虾 $240/6只 呢款 私房菜 用咗大大只越南虎虾,用传统豉油皇做法,但改用头抽,更加浓郁醇香,食到鲜甜虾味。
三代传承茶记变 私房菜 @Dining娜
回味蜜桃咕噜肉 $68镇店招牌小菜,酸甜度刚好,非常醒胃,係好多家庭饭叙开饭必点菜式。

延续经典味道与老店情味

忠记过半数嘅食客都係熟客,有唔少更係由细食到大,食到依家5、60岁都有。大家最怀念嘅係佢哋嘅早餐、奶茶、火腿煎蛋、沙甸鱼饭,当中包含住不少儿时回忆仲有人情味,所以即使忠记搬到新舖,都将唔少经典味道,例如三餸饭、炸鸡髀等 茶记 美食延续保存。

三代传承茶记变 私房菜 @Dining娜
厚切午餐肉葱花炒蛋虾仁饭 $62午餐肉同虾仁炒蛋都係 茶记 好受欢迎嘅美食,将两者crossover,午餐肉更厚切约1cm,炒蛋连餐肉连饭一啖送入口,超满足!
三代传承茶记变 私房菜 @Dining娜
三餸大碗饭 $52罐头沙甸鱼可以话係当年嘅「矜贵」美食,三餸饭可以再次食到呢种儿时滋味。
三代传承茶记变 私房菜 @Dining娜
鲜炸鸡髀配和风汁菠菜冷麵 $62炸鸡髀係快餐店经典美食之冠,唔配沙律,改配日式菠菜冷麵,清新消腻又够饱。

创新川日fusion

近年忠记多咗一班后生食客,所以大厨都加入咗唔少fusion菜式,例如无骨口水鸡稻庭捞丁/乌冬,将四川名菜配上捞丁或乌冬,配搭新颖。另外,和风系列就有芝麻汁(如招牌海南鸡丝冷麵)同稻庭乌冬(如牛舌韩式泡菜汤乌冬)系列,OL同学生哥就最like!

三代传承茶记变 私房菜 @Dining娜
无骨口水鸡捞丁/稻庭乌冬 $62 师傅特别将川菜口水鸡减辣,适合港人口味,配捞丁或乌冬可以吸收酱汁,惹味一流!
三代传承茶记变 私房菜 @Dining娜
和风芥末汁北海道带子稻庭乌冬 $40乌冬有蟹柳丝、青瓜丝同蟹子,清新朴实,烧过嘅北海道带子鲜甜香滑,配日式芝麻酱食几开胃。
三代传承茶记变 私房菜 @Dining娜
右相係第2代老闆陈生、陈太喺上1间旧店拍的。虽然忠记招牌写1968年开业,但第3代主理人陈达龙透露,店舖早于1965年已经存在,爸爸由1968年接手。

3大识食hashtag

儿时帮衬开嘅茶记一定令人留下那些年嘅美好回忆,忠记由食物到人情味,都有呢股魅力,就算区外客食过1、2次都可以感受到。佢哋新增嘅 私房菜 亦相当贴心,预早提出要求,例如锺意素菜,忠记都可以喺菜单上调整。

#茶记 #私房菜 #三代传承

忠记咖啡屋私房菜

地址:铜锣湾渣甸街50号渣甸中心9楼(港铁铜锣湾站F1出口)

电话:2577 2242

备注:不设加一,收现金、八达通及信用卡

facebook:忠记咖啡屋 Chung Kee Café

 



上一篇:
下一篇:
申博太阳城_申博sunbet在线|生活综合网站|网站地图 菲律宾申博太阳游戏 sunbet金沙手机版下载